Jurnalist Rodrining «Barselona»ni «Real»dan afzal ko'rgani sababini tushuntirdi

 7 AVGUST, 2026, 13:24

Ispaniyalik jurnalist David Bernabeu «Manchester Siti» yarim himoyachisi Rodri nima uchun Madridning «Real» klubiga emas, balki «Barselona»ga o'tishni ma'qul ko'rib, to'g'ri qarorga kelgani haqida gapirib berdi.

«Ko'k-anorranglilar» ispaniyalik futbolchi uchun kurashga qo'shildi va uni tez orada o'z loyihasiga ko'ndirishga erishdi. Payshanba kuni futbolchi «Real» rahbariyatiga kataloniyaliklar variantini ma'qul ko'rganini bildirgan.

«Rodri «Real»da nima qilgan bo'lardi? U bir teginishda pas bera olmaydigan Valverde va Tchuameni bilan markazda qanday qilib birga o'ynardi?» — deydi Kataloniyaning Sport nashri jurnalistining so'zlarini keltirgan Barca Universal.

Ishonchli manbalar xabariga ko'ra, «Barselona» Rodri bilan shartnoma shartlari bo'yicha to'liq kelishuvga erishgan.