Cheferin Infantinoni sud bilan tahdid qildi

 3 AVGUST, 2026, 06:00

Evropa futbol assotsiatsiyalari ittifoqi (UEFA) Jahon chempionati va boshqa yirik turnirlar huquqlarining bir qismini tashqi investorlarga sotish bo'yicha kelishuv barbod bo'lgani sababli Xalqaro futbol federatsiyasini (FIFA) sudga berish niyatida ekani haqida ogohlantirdi. Bu haqda The Telegraph nashri xabar bermoqda.

UEFA rahbari FIFA prezidenti Janni Infantinoga xat yuborib, unda «JCh huquqlarini sotishga oid barcha materiallarni saqlab qolishni» talab qildi va sud da'vosi ochilishi mumkinligidan ogohlantirdi. Hujjat nusxasi FIFA loyihasining potentsial investorlari konsortsiumi etakchisi deb atalgan Thrive Eternal jamg'armasi asoschisi Joshua Kushnerga ham yuborilgan.

Avvalroq Xalqaro futbol federatsiyasi tashkilot daromadlarini oshirish maqsadida jahon chempionatlari va boshqa musobaqalarning tijoriy huquqlarini boshqarish uchun FIFA Forward Enterprises sho''ba tuzilmasini tashkil etishini e'lon qilgan edi. Ushbu tashabbus UEFA, Shimoliy va Markaziy Amerika hamda Karib havzasi mamlakatlari futbol konfederatsiyasi (KONKAKAF) va Osiyo futbol konfederatsiyasi (OFK) tomonidan keskin norozilikka uchradi. O'tgan dam olish kunlarida FIFA ushbu rejadan voz kechgani ma'lum bo'ldi.

Manba: stadion.uz