Iraola «Liverpul»dagi ilk mag'lubiyati haqida: «Bu biz uchun eng foydali o'rtoqlik o'yini bo'ldi»

 3 AVGUST, 2026, 05:42

«Liverpul» AQShda bo'lib o'tgan o'rtoqlik o'yinida «Lids»ga imkoniyatni boy berib qo'ydi (2:4). Lyuk Chembers 7-daqiqadayoq «qizillar»ni oldinga olib chiqqan bo'lsa, 40-daqiqada Florian Virts oradagi farqni oshirdi. Ikkinchi bo'limda esa faqat «tovuslar» gol urishdi: ular Georgiy Mamardashvili darvozasini to'rt bor ishg'ol qilishga erishishdi, barcha gollar 60 va 85-daqiqalar oralig'ida urildi.

«Biz juda ko'p narsani o'rgandik. Albatta, boshqacha natijaga umid qilgan edik, ammo bu biz uchun eng foydali o'rtoqlik o'yini bo'ldi, deyish mumkin. Fikrimcha, biz to'g'ri xulosalar chiqara olamiz va ba'zi muammolarni hal etamiz», — deya «Liverpul» rasmiy sayti bosh murabbiy Andoni Iraolaning so'zlaridan iqtibos keltiradi.

Ispaniyalik mutaxassis yosh boshida Arne Slotning o'rnini egallab, jamoa boshqaruvini o'z qo'liga olgan edi.