Evropa mamlakatlari Infantinoning iste'fosini tezlashtirish uchun birlashmoqda

 3 AVGUST, 2026, 05:36

Evropa futbol assotsiatsiyalari FIFA prezidenti Janni Infantinoni qo'llab-quvvatlash xatlarini qaytarib olishni boshlashni rejalashtirmoqda.

Avvalroq UEFA prezidenti Aleksander Cheferin FIFA rahbarligiga navbatdagi saylovlarda Infantino nomzodini yozma ravishda qo'llab-quvvatlagan barcha a'zo mamlakatlardan o'z xatlarini zudlik bilan qaytarib olishni so'ramoqchi ekani xabar qilingan edi.

The Guardian nashri xabariga ko'ra, bir qator Evropa futbol assotsiatsiyalari FIFA prezidentiga bosim o'tkazish va shu orqali uning iste'fosini yaqinlashtirish maqsadida Infantinoni qo'llab-quvvatlashdan rasman voz kechish imkoniyatini muhokama qilmoqda. Xatlarni bir vaqtning o'zida qaytarib olish imkoniyati ham ko'rib chiqilgan, ammo Evropa mamlakatlari buni ketma-ket bajarishi varianti ham mavjud bo'lib, bu amalda ishonchsizlik votumiga teng keladi.

Ta'kidlanishicha, UEFAga a'zo 55 ta assotsiatsiyadan 52 tasi — Germaniya, Ruminiya va Norvegiyadan tashqari barchasi Infantino nomzodini qo'llab-quvvatlash xatini yozgan edi. Umumiy hisobda, tashkilotning 211 a'zosidan 200 tasi FIFAning amaldagi prezidentini qo'llab-quvvatlagan, garchi shaxsiy suhbatlarda uning bo'lajak prezidentlik muddati bo'yicha xavotir bildirishgan bo'lsa-da.

FIFA prezidentining navbatdagi saylovi 2027 yilning mart oyiga rejalashtirilgan.