O'zbekistonda keyingi UFC jangchilari kimlar bo'lishi mumkin? Jasur Alijonov javob berdi

 29 IYUL, 2026, 18:16

Taniqli murabbiy, Mangu MMA Ligasi rahbari Jasur Alijonov faoliyatini UFC'da davom ettirishi mumkin bo'lgan o'zbekistonlik jangchilar haqida gapirdi.

"Hozirgi vaziyatda Xotambek Boynazarov va Furqatbek Yoqubov. SHu sportchilar yaqin bir yil ichida dunyoning eng kuchli Ligasiga kiradi, degan umiddaman. Bundan tashqari, yana ko'plab yosh va talantli sportchilar etishib chiqyapti", dedi Alijonov Olamsport.com muharriri Aziz To'xtamurodov bilan suhbatda.

Malumot uchun, yuqorida tilga olinmagan bo'lsa-da, hamyurtimiz Doston Bozorovning bu yilgi Dana Uayt davogarlar seriyasida ishtirok etishi kutilmoqda. Hozirda o'zbekistonlik aralash yakkakurash ustalaridan Ramazon Temirov, Nursulton Ro'ziboev va Bogdan Guskov UFC'da jang qilib kelmoqda.

Manba: olamsport.com