Ispaniya terma jamoasi — 2026 yilgi jahon chempionati g'olibi!

 20 IYUL, 2026, 03:12

AQSh, Kanada va Meksika mezbonlik qilgan jahon chempionatining finalida Ispaniya terma jamoasi g'oliblikni qo'lga kiritdi.

Final bahsida ispanlar qo'shimcha bo'limlarda Argentinani mag'lub etishdi — 1:0. Uchrashuvdagi yagona golni 106-daqiqada Niko Uilyamsning uzatmasidan so'ng zaxiradan maydonga tushgan Ferran Torres kiritdi. Har ikkala futbolchi ham o'yin davomida zaxiradan maydonga qo'shilgan edi.

Ispaniya o'z tarixida ikkinchi marotaba jahon chempionati g'olibiga ayndi (ilk bor 2010 yilda g'alaba qozongan) va sovrinlar soni bo'yicha Frantsiya hamda Urugvayga tenglashib oldi. Hozirda faqatgina Braziliya (5 ta g'alaba), Germaniya (4), Italiya (4) va Argentina (3) ispanlardan oldinda bormoqda.

Argentina esa o'z tarixida to'rtinchi bor mundialning hal qiluvchi bahsida mag'lubiyatga uchradi.