JCh-2026. Ilgiz Tantashev boshqargan o'yinda Frantsiya Mbappening goli evaziga Paragvayni mag'lub etdi (videosharh)

 5 IYUL, 2026, 08:34

2026 yilgi futbol bo'yicha Jahon chempionatining 1/8 final bosqichida Paragvay va Frantsiya terma jamoalari o'zaro to'qnash keldi. AQShning Filadelfiya shahrida bo'lib o'tgan uchrashuvni o'zbekistonlik hakam Ilgiz Tantashev boshqarib bordi. Bahs Frantsiyaning 1:0 hisobidagi g'alabasi bilan yakunlandi.

O'yindagi yagona gol 70-daqiqada urildi. Frantsiya hujumchisi Kilian Mbappe penaltini aniq amalga oshirib, jamoasiga g'alaba keltirdi. Bu 28 yoshli futbolchi uchun joriy mundialdagi ettinchi va Jahon chempionatlari tarixidagi 19-goli sifatida qayd etildi. U Argentina terma jamoasi sardori Lionel Messi bilan birgalikda to'purarlar poygasida etakchilik qilmoqda.

Frantsiya 1/16 finalda Shvetsiyani 3:0 hisobida mag'lub etgandi. Endilikda Dide Desham shogirdlari chorak finalda Kanada ustidan 3:0 hisobida zafar quchib, ushbu bosqichga yo'l olgan Marokash terma jamoasiga qarshi maydonga tushadi.

Paragvay esa musobaqadagi ishtirokini yakunladi.

Manba: stadion.uz