Osiyo mamlakati associaciyasi FIFA azoligidan chiqarildi

 26 IYUN, 2026, 15:32

Xalqaro futbol federaciyasi (FIFA) Butun nepal futbol associaciyasining (ANFA) tashkilotga azoligini vaqtincha to'xtatish haqida qaror qabul qildi hamda mamlakat terma jamoasi va klublariga xalqaro turnirlarda ishtirok etishni taqiqladi. 

FIFA bosh kotibi Mattias Grafstryomning ANFA rahbari Kiran Rayga yo'llagan xatiga ko'ra, ushbu qaror Milliy sport kengashi (NSC) tomonidan FIFA ustavining "qo'pol ravishda buzilishi", ular o'rtasida futbol associaciyasidagi saylov jarayoniga oid hal etilmagan nizo hamda saylovlarga uchinchi shaxslarning aralashuvi bilan bog'liq.

ANFA FIFA azosi sifatidagi barcha huquqlaridan mahrum bo'ladi. Associaciya va uning vakillari endilikda FIFA hamda Osiyo futbol konfederaciyasi (AFC) tomonidan tashkil etiladigan rivojlanish dasturlari, kurslar yoki mashg'ulotlarda ishtirok eta olmaydilar.

FIFA ANFA azoligini tiklash uchun ikkita shart qo'ydi. Birinchisi: NSC'ning 25 martdagi qarorini to'liq va so'zsiz bekor qilish. O'shanda Butunnepal futbol associaciyasi ijroiya qo'mitasi faoliyati uch oyga to'xtatib qo'yilgan va ular saylovlarni sport tashkilotining roziligisiz o'tkazishda hamda xalqaro tashkilotlar ko'rsatmalarini milliy qonunchilikdan ustun qo'yishda ayblangan edi. Ikkinchisi: ANFA'ga boshlangan saylov jarayonini o'z ustaviga muvofiq yakunlash imkoniyatini berish.

Nusxasi Osiyo futbol konfederaciyasiga (AFC) ham yuborilgan ushbu xatda taqiq "keyingi ogohlantirishgacha" kuchida qolishi takidlangan. SHuningdek, FIFA qabul qilingan qaror haqida o'zining barcha azolarini ogohlantirgan.

Manba: olamsport.com