«Real»da Kukurelya transferidan so'ng Karreras bo'yicha bir qarorga kelishdi

 20 IYUN, 2026, 06:18

Madridning «Real» klubi chap qanot himoyachisi Alvaro Karreras yozgi transfer oynasida jamoani tark etmasa kerak.

Yaqinda «qirollik klubi» «Chelsi»dan Mark Kukurelya sotib olinganini e'lon qildi, bu esa xuddi shu pozitsiyada o'ynaydigan Karrerasning ehtimoliy sotilishi haqidagi mish-mishlarga sabab bo'ldi. Jurnalist Xose Feliks Diasning ma'lumotlariga ko'ra, «Real»da Alvaro hech qaerga ketmasligi haqida qaror qabul qilingan. 23 yoshli futbolchining o'zi ham muhitni o'zgartirmoqchi emas.

Transfermarkt portalida Karrerasning bahosi — 50 mln evro. O'tgan yilning yozida «qaymoqranglilar» Portugaliyaning «Benfika» klubiga aynan shuncha mablag' to'lashgan edi.