Amorim — «Milan»ning yangi bosh murabbiyi

 15 IYUN, 2026, 14:54

«Manchester Yunayted»ning sobiq ustozi Ruben Amorim «Milan»ning yangi bosh murabbiyiga aylandi. Bu haqda A Bola nashri xabar bermoqda.

Manba bergan ma'lumotlarga ko'ra, kelishuv allaqachon yakuniga etgan. Portugaliyalik mutaxassisning Italiya grandi bilan imzolagan mehnat shartnomasi 2028 yilgacha mo'ljallangani aytilmoqda. Amorim yangi klubida soliq chegirmalarini hisobga olgan holda yiliga 3,5 mln evro maosh oladi.

Qayd etilishicha, Amorimning «Milan» bilan shartnomasida A Seriya va Chempionlar Ligasidagi muvaffaqiyatli ishtirok uchun turli bonuslar ko'zda tutilgan. Eslatib o'tish joizki, yakunlangan mavsum natijalariga ko'ra «rossonerilar» eng nufuzli evrokubok musobaqasiga yo'llanma ololmadilar, biroq Evropa Ligasida ishtirok etadilar.