Mbappe Evro-2020dagi muvaffaqiyatsizlik haqida ochiqchasiga gapirdi

 15 IYUN, 2026, 14:30

Madridning «Real» klubi va Frantsiya terma jamoasi hujumchisi Kilian Mbappe jamoaning Evro-2020dagi muvaffaqiyatsizligini yodga oldi. Frantsiyaliklar 2021 yilda bo'lib o'tgan turnirga amaldagi jahon chempionlari sifatida tashrif buyurishgan edi, biroq penaltilar seriyasida Shveytsariyaga imkoniyatni boy berib, 1/8 final bosqichidayoq musobaqani tark etishgan.

«Agar Shveytsariya to'sig'idan o'tganimizda ham, Evro-2020da g'olib chiqa olardik, dep o'ylamayman, chunki kiyinish xonasidagi muhit juda yomon edi. Bu yillar davomidagi eng iste'dodli tarkibimiz edi, ammo jamoa ichidagi muhit eng dahshatlisi bo'lgan. Men Frantsiya terma jamoasini hech qachon bunchalik tarqoq holatda ko'rmaganman», – deya Mbappening so'zlarini keltiradi Madrid Zone.

«Uch ranglilar» JCh-2026dagi ishtiroklarini Senegalga qarshi o'yin bilan boshlashadi.