Konor Makgregor va Maks Xollouey ishtirokidagi UFC 329 turnirining rasmiy posteri elon qilindi + FOTO

 13 IYUN, 2026, 09:48

UFC matbuot xizmati roppa-rosa bir oydan keyin o'tkaziladigan raqamlangan UFC 329 turnirining rasmiy posterini namoyish qildi.

12 iyul kuni Las-Vegas (Nevada, AQSH) shahrida bo'lib o'tadigan oqshomning asosiy jangida yarim engil va engil vazn toifasida sobiq UFC chempioni irlandiyalik Konor Makgregor 66 kg vaznda sobiq UFC chempioni amerikalik Maks Xolloueyga qarshi oktagonga chiqadi. 

Konor 2021 yil iyul oyidan beri jang qilmagan, o'shanda u UFC 264 turniri doirasidagi jangning birinchi raundida texnik nokaut (oyoq jarohati) bilan engil vazn toifasida sobiq UFC vaqtinchalik chempioni amerikalik Dastin Porega yutqazgan edi. Uning professional rekordida jami 22 ta g'alaba va oltita mag'lubiyat bor.

Maks 34 yoshda. Xollouey professional debyutini 2010 yil sentyabr oyida o'tkazgan. Uning aralash yakkakurashlar bo'yicha 27 ta g'alabasi bor, ulardan 14 tasi muddatidan oldin qo'lga kiritilgan, mag'lubiyatlari soni to'qqizta.

Manba: olamsport.com