Xamza SHiraz Bektemir Meliqo'zievning vaznida yangi jahon chempioniga aylandi

 24 MAY, 2026, 02:32

Giza shahridagi professional boks oqshomining ikkinchi asosiy bahsi nihoyasiga etdi.

Unda britaniyalik 26 yashar Xamza SHiraz Germaniya vakili Alem Begichga qarshi ringga ko'tarildi.

12 raundlik bahsda SHiraz 39 yoshli raqibini ikkinchi raunddayoq nokautga uchratdi.

Jang super o'rta vazn toifasidagi vakant bo'lib turgan WBO chempionlik kamari uchun edi.

Bu jang orqali SHiraz g'alabalari sonini 23 taga etkazib olgan bo'lsa, Begich faoliyatidagi ilk mag'lubiyatini qabul qilib oldi.

Malumot uchun, super o'rta vazn toifasida o'zbekistonlik Bektemir Meliqo'ziev faoliyat olib boradi.

Manba: olamsport.com