Keyn penaltidan gol ura olmadi (Video)

 9 MAY, 2026, 23:34

Germaniya Bundesligasining navbatdagi turi doirasida «Bavariya» safarda «Volfsburg» mehmoni bo'lmoqda. Uchrashuvning birinchi bo'limida myunxenliklar etakchisi Harri Keyn hisobni ochish uchun qulay imkoniyatni qo'ldan chiqardi.

O'yinning 36-daqiqasida mehmonlar foydasiga penalti belgilandi. To'p yoniga kelgan ingliz hujumchisi darvozaning o'ng yuqori burchagini nishonga oldi, biroq uning zarbasiga biroz aniqlik etishmadi — to'p darvoza to'sini yonidan o'tib ketdi. Qizig'i shundaki, mezbonlar darvozaboni zarba yo'nalishini topa olmay, qarama-qarshi tomonga sakragan edi.

Birinchi bo'limda gol urilmagan bo'lsa-da, ikkinchi bo'limda Myunxen klubi baribir o'z maqsadiga erishdi. Maykl Olise raqib darvozasini ishg'ol etib, «Bavariya»ni hisobda oldinga olib chiqdi.

Manba: stadion.uz