Dushanbe Grand Slam 2026. Bugun 9 nafar dzyudochimizga muxlislik qilamiz

 3 MAY, 2026, 12:00

Tojikiston poytaxti Dushanbe shahri mezbonlik qilayotgan dzyudo bo'yicha "Katta Dubulg'a" turkumiga kiruvchi nufuzli musobaqaning uchinchi kungi bellashuvlari start arafasida.

Bugun og'ir vazn toifalarida Dushanbe Grand Slam 2026 turniri medallari uchun kurash kechadi. Erkaklar o'rtasida -90, -100, +100 kg, ayollarda esa -78, +78 kg vazn toifalarida g'olib va sovrindorlar aniqlanadi. 

Saralash bahslari soat 12:00, final bloki esa 17:00da boshlanadi. Ikki kunlik bellashuvlar yakuniga ko'ra medallar jamg'arish reytingida bitta kumush medal bilan 7-o'rinni egallab turibmiz. Tojikiston terma jamoasi 3 ta oltin va 1 ta bronza medali bilan peshqadamlik qilmoqda. Tarkibida ikki chempioni bo'lgan Mo'g'uliston (2 ta oltin, 2 ta kumush, 1 ta bronza) va Rossiya (2 ta oltin, 1 ta kumush, 4 ta bronza) terma jamoalari kuchli uchlikni yakunlab turibdi. 

Bugun tatamiga chiqadigan dzyudochilarimiz uchun qura natijalari:

-78 kg: Muxlisaxon Qadirberganova — Maydelines Gorget-Veranes 

+78 kg: Irisxon Qurbanbaeva — Karmen Diykstra (Niderlandiya)

+78 kg: Mohlaroyim To'xtamisheva — Adiyasuren Dambadarjaa (Mo'g'uliston)

Erkaklar

-90 kg: Umar Bozorov — Amir Abbas CHupan (Eron)/Daniil Krilov (Qozog'iston)

-90 kg: Aziz Avazmurodov — Kim Jae Min (Koreya Respublikasi)

-100 kg: Mirjalol Normo'minov — Abdulahad Majidov (Tojikiston) 

-100 kg: Muhammadali Tangriev — Rares Arseni (Ruminiya) 

+100 kg: O'tkirbek To'raboev — Humar Munosibov (Tojikiston)

+100 kg: Muhammadqodir Mansurov — Gjegoj Terensinski (Polsha)

comhttps://olamsport.com/uploa ... l.jpg class="fr-fil fr-dib">

Manba: olamsport.com