U-18 xokkey terma jamoamiz Osiyo Kubogidagi uchinchi g'alabasini qo'lga kiritdi

 30 APREL, 2026, 18:16

Qirg'iz Respublikasi poytaxti Bishkekda xokkey bo'yicha U-18 yosh toifasidagi Osiyo Kubogi o'tkazilmoqda.

Bugun O'zbekiston o'smirlar terma jamoasi musobaqadagi uchinchi o'yinini o'tkazdi.

Mo'g'uliston U-18 termasiga qarshi muzga chiqqan vakillarimiz yakunda 7:2 hisobida zafar quchdi.

Eslatib o'tamiz, xokkeychilarimiz dastlabki turda Qirg'izistonni 4:2, ikkinchi o'yinda esa Hindistonni 15:1 hisobida dog'da qoldirgan edi.

O'zbekiston mazkur yosh toifasida musobaqaning amaldagi g'olibi hisoblanadi.

Manba: olamsport.com