Ankalaev jamoasida ikki raqib haqida aytildi

 22 APREL, 2026, 09:16

Yarim og'ir vazn toifasida sobiq UFC chempioni Magomed Ankalaevning murabbiyi Suhrob Magomedov shogirdining navbatdagi jangi haqida gapirdi.

"Sana va raqib bo'yicha aniq malumot yo'q. Ehtimoliy raqiblarning umumiy sonidan Paulo Kosta va Irji Proxazka ajralib turibdi. Ular bilan o'tkazilajak janglar tomoshabop bo'lishi mumkin. Boshqalar bilan Magomed allaqachon jang qilgan, Dominik Reyes esa yoshi tufayli qiziqarli emas. Tashkilot jangning maqomi qanday bo'lishi kerakligini hal qiladi: to'liq kamar uchun, vakant kamar yoki reyting jangi. Men hech qachon tashkiliy masalalarga aralashmaganman. Menga farqi yo'q. SHunchaki o'z ishim bilan shug'ullanishim kerak. Jang berishsa, tayyorgarlik ko'rishimiz va jang qilishimiz lozim. O'shanda kamar va qolgan barcha narsalar keladi", - deya Magomedovning so'zlarini keltiradi MMA.Metaratings.ru nashri.

Manba: olamsport.com