«Inter» kambek orqali «Komo»ni mag'lub etib, Italiya kubogi finaliga yo'l oldi (videosharh)

 22 APREL, 2026, 08:34

Italiya Kubogi yarim final javob uchrashuvida «Inter» o'z maydonida «Komo»ni qabul qildi. Qiziqarli va keskin kurashlarga boy o'yinda milanliklar 3:2 hisobida irodali g'alabaga erishdi.

Uchrashuvning 32-daqiqasida xorvatiyalik futbolchi Martin Baturina mehmonlarni hisobda oldinga olib chiqdi. 48-daqiqada yarim himoyachi Lukash Da Kunya «Komo» ustunligini ikki barobarga oshirdi.

69-daqiqada «Inter» tayanch yarim himoyachisi Hakan Chalxanoglu hisobni qisqartirdi. 86-daqiqada Chalxanoglu dubl rasmiylashtirib, muvozanatni tikladi. 89-daqiqada esa yarim himoyachi Petar Suchich «Inter»ga g'alaba keltirgan golni urdi.

Jamoalar o'rtasidagi ilk o'yin 3 mart kuni bo'lib o'tgan va 0:0 hisobida yakunlangan edi. Shu tariqa, «Inter» ikki o'yin natijasiga ko'ra Italiya Kubogi finaliga yo'l oldi. Ikkinchi finalchi 22 aprel kuni bo'lib o'tadigan «Atalanta» — «Latsio» juftligida aniqlanadi (birinchi o'yin — 2:2).

Italiya kubogi. Yarim final, javob uchrashuvi
21 aprel 2026 yil. Milan
«Inter» — «Komo» 3:2
Gollar: Baturina 32 (0:1), Da Kunya 48 (0:2), Chalxanoglu 69 (1:2), Chalxanoglu 86 (2:2), Suchich 89 (3:2)

Manba: stadion.uz