"Hammasi jamoadoshim tufayli". Dvalishvili mashg'ulotda qanday qilib burnini sindirganini aytdi

 16 APREL, 2026, 15:00

UFC sobiq chempioni Merab Dvalishvili aprel boshida mashg'ulotda olgan burun sinishi haqida gapirdi.

"Men birinchi marta burunimni 2014 yilda, professional faoliyatimda debyut qilganimda sindirganman. Raqib jeb urdi — birinchi zarba va burunim sindi. SHundan beri u singan. Lekin u mustahkam, ko'p marta yorilishlar bo'lgan, ammo suyak joyida edi.

Bu safar suyakni jamoadoshim sabab sindirdim, uning ismi Adam, u professional jangchi. U mening uslubimni yaxshi biladi, taymingi ham yaxshi, va har safar sparring qilganimizda meni “ushlab” oladi, lekin odatda ko'kragimga yoki peshonamga uradi. Ammo bu safar u tizzasi bilan burunimga urdi va suyakni sindirdi", — dedi Dvalishvili Mighty YouTube-kanaliga bergan intervyusida.

Manba: olamsport.com