Javohir va Bibisara kunning eng yaxshilari bo'lishdi + FOTO
15 APREL, 2026, 14:16
Bugun Kiprda davom etayotgan shaxmat bo'yicha Jahon toji uchun "Nomzodlar turniri" o'z yakuniga etadi.O'n bir imkoniyatdan 9,5 ochko to'plagan Javohir Sindarov muddatidan avval "Nomzodlar turniri" chempioni bo'lish barobarida Jahon tojining amaldagi sohibi hindistonlik Gukesh Dommaradjuga qarshi o'ynash huquqini qo'lga kiritdi.
Etiborlisi, qozog'istonlik Bibisara Asaubaevada ham turnir chempioni bo'lish imkoniyati yuzaga keldi. U ukrainalik Katerina Lagnoga qarshi oq donalarda harakat qilib, muhim g'alabaga erishdi. So'nggi tur oldidan Bibisara 7,5 ochko to'plagan holda turnir jadvalida hindistonlik Rameshbabu Vayshali bilan qo'shhokimlik qilyapti.
Qizig'i, so'nggi kunlarda keng muhokamalarga sabab bo'layotgan Javohir Sindarov va Bibisara Asaubaeva kecha o'tkazilgan 13-turning "Eng yaxshi shaxmatchilari" (Player of the Day) deb topildi.
Manba: olamsport.com
