Aktenge hamda Ulmeken Osiyo chempionatida hisobimizga bronza medallarini taqdim etishdi

 10 APREL, 2026, 09:32

Bishkek shahrida (Qirg'iz Respublikasi) o'tayotgan sport kurashlari bo'yicha Osiyo chempionatining bugungi kunida ham O'zbekiston terma jamoasi azolari shohsupaga ko'tarilishdi.

Ayollar kurashi bo'yicha tashkil etilgan bellashuvlarda ikki nafar qizimiz bronza medaliga ega chiqishdi.

-50 kg vazn toifasidagi bahslarda Aktenge Keunimjaeva shri-lankalik Nipuni Pedigeni, -59 kg vaznda esa Ulmeken Esenbaeva mezbon Sezim Jumanazarovani mag'lubiyatga uchratib, sovrindorlar qatoridan o'rin oldilar.

Manba: olamsport.com