RAF 9 turniri uchun ham yulduzli kard yig'ish ishlari boshlandi

 8 APREL, 2026, 15:32

30 may kuni AQSHning Texas shtati, Dallas shahrida joylashgan College Park Center majmuasida erkin kurash bo'yicha Real American Freestyle (RAF 9) turniri bo'lib o'tadi.

Musobaqadan o'rin olgan markaziy ikki jang elon qilindi.

Unga ko'ra, erkin kurash bo'yicha 125 kg vazn toifasida Tokio-2020 Olimpiadasi g'olibi bo'lgan amerikalik Geybl Stivson RAF 9 musobaqasining asosiy bahsida UFC sobiq vakili, Moldoviya vakili Aleksandr Romanov bilan to'qnash keladi. Jang og'ir vazn toifasida bo'lib o'tadi.

Bundan tashqari, UFC'ning amerikalik yulduzlaridan biri Kolbi Kovington turnirning ikkinchi asosiy jangi doirasida oraliq vazn toifasida gilamga chiqadi. Unga o'rta vaznda UFC sobiq chempioni, hamyurti Kris Vaydman raqib bo'ladi.

Manba: olamsport.com