Mangu 2: Raqibsiz qolgan Akbarjon Islomboev braziliyalik jangchi bilan to'qnash keladi (POSTER)
3 APREL, 2026, 17:00
Poytaxtimiz 25 aprel kuni MMA bo'yicha Mangu 2 turnirini qabul qiladi."Humo arena" inshootida o'tkaziladigan turnir uchun navbatdagi jang elon qilindi.
Unga ko'ra, o'zbekistonlik taniqli aralash yakka kurash ustasi Akbarjon Islomboev Mangu 2 musobaqasida Braziliya vakili Irmeson Oliveyra bilan bahs olib boradi.
Jang engil vazn toifasida tashkil etiladi.
Malumot uchun, Islomboev faoliyati davomida 12 ta jang o'tkazib, 10 ta g'alaba va 2 ta mag'lubiyat qayd etgan. Oliveyra hisobida esa 16 ta g'alaba va 7 ta mag'lubiyat bor.
Aslida Akbarjon Islomboevga Mangu 2 turnirida Gruziya vakili Turpal Gediev raqiblik qilishi kerak edi. Biroq Gediev jarohat sababli musobaqada ishtirok eta olmasligi malum bo'ldi.
comhttps://olamsport.com/uploa ... l.jpg class="fr-fic fr-dii">
Manba: olamsport.com
