Meksika va Belgiya terma jamoalari o'rtoqlik uchrashuvida durang qayd etishdi

 1 APREL, 2026, 09:00

Meksika terma jamoasi 2026 yil yozida bo'lib o'tadigan jahon chempionatiga tayyorgarlik doirasida Belgiyaga qarshi o'rtoqlik uchrashuvi o'tkazdi. O'yin Mexiko shahridagi «Atsteka» stadionida bo'lib o'tdi va 1:1 hisobida durang bilan yakunlandi.

Uchrashuvning 19-daqiqasida meksikalik himoyachi Xorxe Sanches hisobni ochdi. Ikkinchi bo'lim boshida, 46-daqiqada belgiyalik yarim himoyachi Dodi Lukebakio muvozanatni tikladi. Qolgan vaqtda hisob o'zgarmadi va jamoalar 1:1 hisobida durang o'ynashdi.

Ushbu jamoalar oxirgi marta 2017 yil noyabr oyida o'zaro o'rtoqlik uchrashuvida to'qnash kelgan edi. O'shanda ham bahs 3:3 hisobida durang bilan yakunlangan.

Avvalroq o'tkazilgan o'rtoqlik uchrashuvida Braziliya terma jamoasi Xorvatiyani 3:1 hisobida mag'lub etgandi.

O'rtoqlik o'yini
2026 yil 1 aprel, chorshanba. 06:00
Meksika — Belgiya — 1:1
Gollar: Sanches 19 (1:0), Lukebakio 46 (1:1)

Manba: stadion.uz