Mayami "Masters" turnirida chempion aniqlandi

 30 MART, 2026, 12:48

Dunyoning ikkinchi raketkasi Yannik Sinner AQSHning Florida shtati Mayami shahrida yakuniga etgan "Masters" turniri g'olibiga aylandi.

Italiyalik tennischi hal qiluvchi final uchrashuvida ATP reytingida 22-o'rinni egallab turgan chexiyalik Irji Lexechkani ikki setda ham bir xil hisobda mag'lubiyatga uchratdi - 6/4, 6/4. Tennischilarning o'zaro uchrashuvlaridagi hisob yanada yiriklashdi - 4:0. 

To'qson to'rt daqiqa davom etgan bahsda Sinner 10, Lexechka 5 ta eys zarbasini amalga oshirgan. Breyklar bo'yicha ustunlik ham tabiiyki, chempion tomonida bo'ldi - 2 ga 0. Yannik Indian-Uells "Masters" turnirida ham bosh sovrinni qo'lga kiritgan edi. 

Manba: olamsport.com