Kilian Mbappe Kolumbiyaga qarshi o'yindan keyin politsiya tomonidan ushlanmoqchi bo'lgan muxlisni himoya qildi (video)

 30 MART, 2026, 07:00

Frantsiya terma jamoasi hujumchisi Kilian Mbappe Kolumbiyaga qarshi o'rtoqlik uchrashuvidan so'ng politsiya ushlamoqchi bo'lgan muxlisga yordam berishga urindi.

Ma'lum bo'lishicha, bir muxlis maydonga yugurib chiqib, Kilian Mbappeni quchoqlashga harakat qilgan. Shu payt politsiya uni ushlashga uringan. Frantsiyalik hujumchi esa vaziyatga aralashib, muxlisga yordam berishga harakat qildi va politsiya xodimlarini undan uzoqlashtirishga urinib ko'rdi.

O'rtoqlik uchrashuvida Frantsiya terma jamoasi Kolumbiyani 3:1 hisobida mag'lub etdi. Kilian Mbappe uchrashuvni zaxiradan boshlab, 78-daqiqada maydonga tushdi va samarali harakatlar bilan ajralib turmadi.

Eslatib o'tamiz, bundan avval Frantsiya terma jamoasi o'rtoqlik o'yinida Braziliyani 2:1 hisobida mag'lub etgan edi.

Manba: stadion.uz