Toshkentda qilichbozlik bo'yicha Jahon kubogi bosqichi boshlandi

 27 MART, 2026, 16:16

Bugun poytaxtimizdagi "Olimpiya shaharchasi"da qilichbozlikning sablya yo'nalishi bo'yicha Jahon kubogining navbatdagi bosqichiga start berildi.

Ayollar o'rtasida tashkil etilayotgan musobaqada 25 mamlakatdan 150 nafardan ortiq sportchi ishtirok etmoqda.

Dasturga ko'ra, bugun dastlabki saralash bosqichi bo'lib o'tadi. Ertaga ochilish marosimi va hal qiluvchi bosqich bahslari tashkil etilsa, 29 mart sanasidan jamoaviy yo'nalishdagi janglar o'rin olgan.

Manba: olamsport.com