"Yomon jang". Dana Uayt g'alabali jangni tanqid qildi

 25 MART, 2026, 13:00

UFC rahbari Dana Uayt yarim o'rta vazndagi (77 kg gacha) britaniyalik jangchi Maykl Peyjning hamyurti Sem Pattersonga qarshi jangdagi g'alabasiga munosabat bildirdi.

"Ko'rganlarimdan qoniqmadim. Bu yomon jang bo'ldi. Bilmadim… U g'alaba qozondi, endi keyin nima bo'lishini ko'ramiz", — dedi Uayt matbuot anjumanida.

Maykl Peyj 38 yoshda. Britaniyalik sportchi 2012 yilda professional MMA jangchisi sifatida debyut qilgan, 2013–2023 yillarda Bellatorda ishtirok etgan. 2024 yilda UFCda debyut qildi. Uning hisobida tashkilotda to'rtta g'alaba va bitta mag'lubiyat bor.

Manba: olamsport.com