Karlos Alkaras Mayami "Masters"dan "uchib" ketdi

 23 MART, 2026, 08:16

Dunyoning birinchi raketkasi Karlos Alkaras kutilmaganda Mayami "Masters" turniridagi ishtirokini yakunladi.

Ispaniyalik tennischi uchinchi davrada ATP reytingida 36-pog'onada borayotgan amerikalik Sebastyan Kordaga uch set natijasiga ko'ra imkoniyatni boy berib qo'ydi - 3/6, 7/5, 4/6. Tennischilarning o'zaro uchrashuvlarida hamon Karlos oldinda bormoqda - 4:2.  

Ikki soatu 20 daqiqa davom etgan bahsda Alkaras 2, Korda 12 ta eys zarbasini amalga oshirdi. Breyklar bo'yicha amerikalik tennischi ustunlik qildi - 3 ga 2. Kordaning to'rtinchi bosqichdagi raqibi Karen Xachanov (Rossiya) - Martin Landaluse (Ispaniya) uchrashuvida aniqlanadi.

Manba: olamsport.com