"Inter" "Real" futbolchisini sotib olmoqchi

 21 MART, 2026, 16:48

"Inter" yangi darvozabon izlamoqda va "Real" darvozaboni Andrey Luninga qiziqish bildirmoqda, deb xabar bermoqda La Gazzetta dello Sport.

Manbaga ko'ra, ukrainalik futbolchining o'tishi milanliklar uchun "Atalanta" darvozaboni Marko Karnezekkini sotib olishdan arzonroqqa tushadi. SHu bilan birga, Luninning maosh talablari "Liverpul" darvozaboni Alison Bekeri va «Aston Villa» posboni Emiliano Martinesiga qaraganda kamroq. "Inter" ularga ham qiziqish bildirmoqda.  

Joriy mavsumda Lunin barcha turnirlarda 4 o'yinda maydonga tushdi, shundan bittasida "quruq" o'ynadi. Uning "Real" bilan shartnomasi 2030 yil yozigacha amal qiladi. Transfermarkt portali malumotlariga ko'ra, futbolchining bozor qiymati 15 million evroni tashkil qiladi.

Manba: olamsport.com