Miami Open. Rahimova saralashning final uchrashuvida kortga chiqdi

 18 MART, 2026, 13:00

AQSHning Mayami shahrida WTA 1000 toifasiga kiruvchi, mukofot jamg'armasi 9 mln 415 ming 725 dollarni tashkil qiluvchi nufuzli turnirning saralash bahslari yakunlandi.

Musobaqaning saralash bahslarida mamlakatimizning birinchi raketkasi Kamilla Rahimova 1/2 finalda franciyalik Leoliya Janjanni 6/7(1), 7/5, 6/0 hisobida mag'lubiyatga uchratgandi. 

Afsuski, asosiy to'rga yo'llanma bergan final uchrashuvida u dunyoning 68-raketkasi, avstraliyalik 21 yoshli Talia Gibsonga imkoniyatni boy berib, turnirdagi ishtirokini yakunladi. To'qson sakkiz daqiqa davom etgan bahsda Gibson 6/3, 6/4 hisobida zafar quchdi. 

Taqqoslash uchun, Kamilla Rahimova WTA reytingida 82, Gibson 68-o'rinni egallab turibdi. Bu tennischilarning o'zaro o'tkazgan ilk uchrashuvi bo'ldi. 

Manba: olamsport.com