APL. «Man Siti» «Vest Xem» maydonida juda muhim ochkolarni yo'qotdi (Videosharh)

 15 MART, 2026, 08:00

«Vest Xem» Angliya chempionatining 30-turi doirasidagi o'z maydonida kechgan bahsda «Manchester Siti» bilan durang o'ynadi — 1:1.

Mezbonlar tarkibida 35-daqiqada gretsiyalik himoyachi Konstantinos Mavropanos gol urgan bo'lsa, mehmonlar safida 31-daqiqada portugaliyalik yarim himoyachi Bernardu Silva ajralib turdi.

Hamyurtimiz Abduqodir Husanov bahsda to'liq harakat qildi.

«Vest Xem» ketma-ket uchta o'yindan beri mag'lubiyat nimaligini bilmay kelmoqda. Jamoa Angliya chempionati jadvalida 18-o'rindan 17-pog'onaga ko'tarilib oldi (30 o'yindan so'ng 29 ochko). «Manchester Siti» esa (30 o'yindan so'ng 61 ochko) ikkinchi o'rinda bormoqda.

Angliya Premer-ligasi. 30-tur
14.03.2026 | 01:00
«London Stedium», London

«VEST XEM» — «MANChESTER SITI» — 1:1
Gollar: Bernardu Silva 31 (0:1), Konstantinos Mavropanos 35 (1:1).

«Vest Xem»: Xermansen, Mavropanos, Disasi, Todibo, Fernandesh, Souchek, Diuf, Van-Bissaka, Pablo (Magassa, 64), Bouen (Kante, 90+6), Kastelyanos (Traore, 75).

«Manchester Siti»: Donnarumma, Gexi, Abduqodir Husanov, Ait Nuri (Sherki, 60), Mateus Nunes, Rodri, Bernardu Silva (Reynders, 75), O`Rayli, Semeno (Foden, 75), Marmush (Doku, 60), Xoland.

Ogohlantirishlar: Magassa (76), Fernandesh (89) — Marmush (11), Bernardu Silva (37).

Manba: stadion.uz