BNP Paribas Open. Dunyoning birinchi raketkasi boshladi

 9 MART, 2026, 09:16

AQSHning Indian-Uells shahrida tennis bo'yicha "Masters" seriyasiga kiruvchi nufuzli turnir bo'lib o'tmoqda.

Dunyoning birinchi raketkasi Karlos Alkaras o'z ishtirokini to'g'ridan-to'g'ri ikkinchi davradan boshladi. Ispaniyalik tennischi ATP reytingida 42-pog'onani egallab turgan bolgariyalik tajribali raqibi Grigor Dimitrovni ortiqcha qiyinchiliksiz mag'lubiyatga uchratdi - 6/2, 6/3. 

Tennischilarning o'zaro uchrashuvlaridagi hisob Karlos foydasiga yiriklashdi - 5:2. Oltmish etti daqiqa davom etgan bahsda Alkaras 6, Dimitrov 1 ta eys zarbasini amalga oshirdi. Qo'shxatolar Grigorda ko'proq bo'ldi - 5 ga 2. Breyklar bo'yicha ustunlik Karlos foydasiga - 3 ga 0. 

Endi Karlos Alkaras BNP Paribas Open turnirining uchinchi bosqichida Artyur Rinderkneshga qarshi kortga chiqadi. Franciyalik tennischi argentinalik Xuan Manuel Serundoloning kortga chiqmagani ortidan kurashsiz uchinchi davra ishtirokchisiga aylandi.

Manba: olamsport.com