Yarimog'ir vaznda vakant bo'lgan UFC kamari uchun jang o'tkaziladi
21 FEVRAL, 2026, 15:32
Katta ehtimol bilan bu UFC 327 turnirining asosiy jangiga aylanadi.Yarimog'ir vazn toifasida vakant, yani egasiz qolish ehtimoli bo'lgan kamar uchun Irji Proxazka va Karlos Ulberg o'zaro jang o'tkazadi. MMA HOJE portali xabariga ko'ra, ushbu jang 11 aprel kuni AQSHning Florida shtati Mayami shahrida tashkil etiladigan UFC 327 turnirining asosiy voqeasi bo'ladi.
Ayni paytda yarim og'ir vazn toifasida UFC kamari braziliyalik 38 yoshli Aleks Pereyraga tegishli bo'lib, u o'tgan yilning kuzida Magomed Ankalaevni birinchi raundda nokaut evaziga mag'lub etgandi. Mish-mishlarga ko'ra, Pereyra og'ir vaznga o'tishga tayyorgarlik ko'rmoqda. U uchinchi vazn toifasida kamarni qo'lga kiritmoqchi va bu holatda kamar vakant qoladi.
Eslatib o'tamiz, Irji Proxazka bungacha Aleks Pereyraga ikki marta muddatidan oldin yutqazgan edi.
Manba: olamsport.com
