Mangu 1. Suhrobbek Atajanov ishtirokidagi jang birinchi raunddayoq yakunlandi

 7 FEVRAL, 2026, 23:16

Toshkentdagi "Humo arena" majmuasida o'tkazilayotgan MMA bo'yicha Mangu 1 turnirining asosiy kard bellashuvlari boshlandi.

Kardning ilk bahsida eng engil vazn toifasida faoliyat olib boruvchi taniqli MMAchimiz Suhrobbek Atajanov Ozarbayjon vakili Elxan Ibragimxalilovga qarshi oktagonga ko'tarildi.

Jangda Xorazm o'g'loni Suhrobbek birinchi raunddayoq raqibini nokautga uchratdi.

Bugungi bahs orqali Atajanov karerasidagi 12-jangida 9-g'alabasini nishonladi. Uning hisobida yana 3 ta mag'lubiyat ham bor. Elxan Ibragimxalilovning rekordi esa endi 6-4-0 ko'rinishida.

Manba: olamsport.com