Peddi Pimblett Benua Sen-Deniga "vyzov" tashladi

 2 FEVRAL, 2026, 10:00

Benua Sen-Deni Den Xukerni mag'lubiyatga uchratganidan keyin ehtimoliy raqiblar sifatida ko'rsatgan jangchilar ro'yxatida Peddi Pimblett yo'q edi.

Ammo britaniyalikni francuzning muvaffaqiyatli chiqishi quvontirdi va u bilan oktagonga chiqishga qarshi emas.

"Yaxshi zarba - Denning barcha safsatalaridan so'ng nokautga uchraganini ko'rish yoqimli edi. Ehtimol, u o'tgan haftadagi mag'lubiyatimdan zavqlanayotgandir, lekin men hech bo'lmaganda muddatidan avval yutqazmadim.

Menga Benua Sen-Deni juda yoqadi. U haqiqatan ham juda yaxshi yigit. Uning uslubi menga maqul keladi - u har doim qonli jang qilishga tayyor. Umid qilamanki, unda hammasi yaxshi bo'ladi, lekin keyingi jangda u menga qarshi chiqsa - men uni tugataman", dedi Peddi.

Manba: olamsport.com