"Barselona" "Messino" uchun kurashda etakchi
30 MART, 2024, 12:18
"Messino" laqabini olgan "Palmeyras"ning hujumkor yarim himoyachisi Estevao Villian faoliyatini Ispaniya chempionatida davom ettirishi mumkin. Mundo Deportivo jurnalistlari xabariga ko'ra, 16 yoshli futbolchiga "Barselona" qiziqish bildirmoqda.
Villianning o'zi faoliyatini "ko'k-anorranglilar" safida davom ettirmoqchi. Bu borada kataloniyaliklar futbolchiga da'vogarlik qilayotgan "PSJ" va Manchester grandlaridan ko'ra qulayroq holatda.
"Barselona" yosh futbolchining vakillari bilan kelajakda kelishuvga erishish uchun muzokaralar olib bormoqda.