Australian Open. Kiz chempionlik himoyasini davom ettirmoqda

 22 YANVAR, 2026, 08:32

Dunyoning to'qqizinchi raketkasi Medison Kiz Melburnda o'tkazilayotgan "Katta Dubulg'a" turkumiga kiruvchi Avstraliya Ochiq chempionatining uchinchi davra ishtirokchisiga aylandi.

Amerikalik tennis malikasi Australian Open ikkinchi bosqichida WTA reytingida 62-pog'onada borayotgan vatandoshi Eshlin Kryugerni mag'lubiyatga uchratdi - 6/1, 7/5. Bu amerikaliklarning o'zaro o'tkazgan ilk uchrashuvi bo'ldi. 

Etmish to'rt daqiqa davom etgan bahsda Kiz 1, Kryuger 2 ta eys zarbasini amalga oshirgan. Qo'shxatolar Eshlinda bittaga ko'proq bo'ldi - 5 ga 4. Breyklar bo'yicha tabiiyki, g'oliba ustunlikka ega bo'ldi - 6 ga 2. 

Etiborlisi, Kiz ikkinchi setda 2/5 hisobida yutqaza turib, setboldan chiqib ketdi. Uning uchinchi bosqichdagi raqibasi chexiyalik Karolina Plishkova va indoneziyalik Janis Ten uchrashuviga qarshi kortga chiqadi.

Manba: olamsport.com