Jon Jons Islam Maxachev haqida fikr bildirdi

 10 YANVAR, 2026, 14:32

Ikki vazn toifasida sobiq UFC chempioni Jon Jons yarim o'rta divizionda promoushenning amaldagi chempioni Islam Maxachev haqida gapirdi.

"Islam, shubhasiz, barcha davrlarning eng buyuk jangchilaridan biridir. U ana shunday yigitlar qatoriga kirishi aniq. Jek Della Maddalena bilan jangda u shunchalik ustunlik qilganiga hayron qoldimmi? Yo'q, bu meni ajablantirmadi. U o'ziga xos atlet. Bazi bolalar shunchaki buyuk ishlar uchun mo'ljallangan va u ulardan biri. Uning faoliyatini kuzatish qiziqarli. 

O'ylaymanki, u hali ko'p ish qilishi kerak. Islam to'g'ri yo'ldan bormoqda va hammasini to'g'ri bajaryapti. U men juda havas qiladigan sportchilardan biri", - dedi amerikalik aralash yakkakurash ustasi Red Corner MMA YouTube kanalida.

Manba: olamsport.com