Sergey Fomin bir oylik tanaffusdan so'ng qaytmoqda
4 YANVAR, 2026, 10:16
Mamlakatimizning birinchi raketkasi Sergey Fomin 2026 yilgi mavsumni Tailand turniridagi ishtiroki bilan boshlaydi.Hamyurtimiz Nontxaburi CHellenjerida kortga chiqadi. Unga musobaqaning asosiy to'ri ilk bosqichi doirasida yaponiyalik Renta Tokuda raqiblik qiladi. Bu uchrashuv bizning vaqt bilan ertaga soat 8:00 da boshlanishi rejalashtirilgan.
Mazkur uchrashuv tennischilarning o'zaro o'tkazadigan to'rtinchi qarama-qarshiligiga aylanadi. Avvalgi o'yinlarning barchasida Tokudaning qo'li baland kelgan.
Takidlash joiz, ayni paytda 24 yoshli Sergey Fomin ATP reytingida 341, 27 yashar Tokuda esa 325-o'rinni band etib turibdi.
Manba: olamsport.com
