Dortmundning "Borussiya" klubi "Liverpul" vingerini ijaraga olmoqchi

 21 DEKABR, 2025, 11:16

"Liverpul” vingeri Rio Ngumoxa faoliyatini Germaniyada davom ettirishi mumkin.

Manbaga ko'ra, yosh iqtidor egasining transferiga Dortmundning "Borussiya" klubi qiziqish bildirmoqda. "Asalarilar" 17 yoshli hujumchini yanvarda ijaraga olmoqchi va allaqachon "Liverpul"ga murojaat qilgan.

Rio Ngumoxa yoshlik yillarini "CHelsi" akademiyasida o'tkazgan, biroq o'tgan yilning sentyabrida "Liverpul” safiga borib qo'shilgandi. Uning shartnomasi 2028 yilning 30 iyuniga qadar mo'ljallangan. Joriy mavsumda yosh vinger "qizillar" safida 8 ta o'yinda maydonga tushib, 1 ta gol urdi.

Manba: olamsport.com