To'rabek Habibullaev ham Jahon chempionatini ikkinchi o'rinda yakunladi

 13 DEKABR, 2025, 21:48

Birlashgan Arab Amirliklarining Dubay shahrida boks bo'yicha kattalar o'rtasidagi IBA Jahon chempionati o'z nihoyasiga etib bormoqda.

Musobaqada -92 kg vazn toifasida yurtimiz sharafini himoya qilayotgan To'rabek Habibullaev finalda rossiyalik Muslim Gajimagomedovga qarshi ringga ko'tarildi. 

Jang to'liq davom etdi va unda afsuski bokschimiz 0:5 hisobida imkoniyatni boy berdi.

Malumot uchun, To'rabek bungacha Braziliya, Kuba va Ozarbayjor vakillarini mag'lubiyatga uchratib, finalga etib kelgandi.

U  sentyabr oyida o'tkazilgan World Boxing Jahon chempionatida oltin medalga sazovor bo'lgandi. 

Muslim Gajimagomedov esa ikki karra Jahon chempioni, shuningdek Tokio Olimpiadasining kumush medali sohibi hisoblanadi. 

Manba: olamsport.com