"Bu boks uchun yomon scenariy bo'ladi". Sobiq chempion Joshuaning Pol bilan jangi haqida gapirdi
3 DEKABR, 2025, 17:48
Boks bo'yicha sobiq jahon chempioni SHon Porter Entoni Joshua va Jeyk Pol o'rtasidagi jang haqida o'z fikrini bildirdi."Rostini aytaman: agar bu jang hamma kutganidek o'tmasa, boks haqida "hammasi oldindan kelishilgan" degan gap-so'zlar ko'payadi. Men buni oldin ham aytganman: bu boks uchun yomon. Agar Jeyk Pol yutib qo'ysa, hamma jangni kelishilgan deydi. Olimpiyachining, Entoni Joshua kabi chempionning yutqazishi — ayniqsa yutuberga, Disney'dan chiqqan yigitga — tasavvur qilish qiyin.
SHu bilan birga Porter qo'shimcha qiladi:
"Jeyk hozir haqiqiy bokschi. U bu erga noananaviy yo'l bilan keldi, lekin qattiq mashq qiladi. Men murabbiy Ueydni deyarli ko'rmay qo'ydim — chunki u doim Jeyk bilan. Jeyk tinimsiz ishlayapti. U tayyor bo'ladi. Va bu jang Jeyk Polning yutqazishi uchun qilingan jang emas".
Manba: olamsport.com
