Jahon chempioni Aytjan Xalmaxanov PWL 10 turnirida turkiyalik raqibidan ustun keldi

 10 NOYABR, 2025, 11:48

Moskvada (Rossiya) joylashgan "Dinamo" voleybol arenasida Professional kurash Ligasining PWL 10 turniri bo'lib o'tdi.

Musobaqada o'zbekistonlik yunon-rum kurashchisi, Jahon chempioni Aytjan Xalmaxanov ham ishtirok etib, Turkiya vakili Kerem Kamal bilan bahs olib bordi.

Jangda Xalmaxanov Evropa chempionini 8:1 hisobida dog'da qoldirdi.

Takidlash joiz, Aytjan faoliyati davomida hozirga qadar yunon-rum kurashi bo'yicha o'smirlar, yoshlar va kattalar toifasida Jahon chempionligini qo'lga kiritgan.  

Manba: olamsport.com