Jahon kubogi. Nodirbek ham 4-bosqichga chiqdi

 10 NOYABR, 2025, 10:16

Hindistonning Goa shahrida shaxmat bo'yicha umumiy mukofot jamg'armasi 2 million AQSH dollarini tashkil qiluvchi Jahon kubogi bo'lib o'tmoqda.

Dunyoning 206 nafar shaxmatchisi qatnashishni boshlagan nufuzli musobaqaning 1/32 final bosqichida tay-brek uchrashuvlari bo'lib o'tdi. Nodirbek Yakubboev vetnamlik taniqli grossmeyster Tay Van Nguen bilan asosiy ikki partiyada 1:1 hisobidagi durangga imzo chekkandi. Kecha ular o'rtasida o'tkazilgan hal qiluvchi tay-brek partiyalarida Yakubboev nomdor raqibini mag'lubiyatga uchratdi - 3:1. 

SHu tariqa, ikki grossmeysterimiz Nodirbek Yakubboev va Javohir Sindarov Jahon kubogidagi yurishlarini davom ettirishadi. Sindarov uchinchi bosqichda greciyalik Nikolas Teodoruni ikki o'yin natijasiga ko'ra 1,5:0,5 hisobida taslim etib, to'rtinchi davra ishtirokchisiga aylangandi.   

Grossmeysterlarimizning to'rtinchi bosqichdagi raqiblari: 

Javohir Sindarov — YU Yan I (Xitoy)

Nodirbek Yakubboev — Venkatesh Pranav (Hindiston)

Manba: olamsport.com