"Inter" mag'lubiyatsiz odimlashda davom etadi

 18 DEKABR, 2023, 03:00

“Inter” A seriyaning 16-turida “Latsio”ni mehmonda mag'lub etdi (2:0).

40-daqiqada milanliklar hujumchisi va sardori Lautaro Martines hisobni ochdi. 66-daqiqada Markus Tyuram milanliklarning ikkinchi golini urdi.

"Inter" 41 ochkoga ega va "Yuventus"dan 4 ochkolik farq bilan A Seriya turnir jadvalida peshqadamlik qilmoqda. “Latsio” – 11-o'rin (21 ochko).

Simone Indzagi shogirdlari barcha musobaqalarda ketma-ket 15 o'yinda mag'lubiyatga uchramadi – sentyabr oxiridan beri 11 g'alaba va 4 durang.