Shesni Mbappening penaltilardan davom etayotgan golli seriyasini buzdi (video)

 27 OKTYABR, 2025, 13:34

Kilian Mbappe "Barsa"ga penaltidan gol ura olmadi.

La Liga 10-turi doirasidagi o'yinning 52-daqiqasida (1:2) "Real" hujumchisining zarbasini Voytsex Shesni qaytardi.

Shu tariqa, Mbappening ketma-ket 7 ta penaltini aniq amalga oshirgan golli seriyasiga chek qo'yildi. Bungacha frantsiyalik futbolchi oxirgi marta shu yilning may oyida "Real Sosedad"ga qarshi o'yinda nuqtadan gol ura olmagandi, ammo o'shanda Kilian Unai Marreroning seyvidan so'ng darhol to'pni darvozaga joylab qo'ygandi.

Manba: stadion.uz