U20 JCh. Kolumbiya yoshlar terma jamoasi Frantsiyani mag'lub etib, bronza medalini qo'lga kiritdi (videosharh)

 19 OKTYABR, 2025, 07:34

2025 yilgi yoshlar o'rtasidagi jahon chempionatida uchinchi o'rin uchun bahs kechasi — 18 oktyabrdan 19 oktyabrga o'tar kechasi bo'lib o'tdi. Bellashuvda Kolumbiya U20 va Frantsiya U20 terma jamoalari to'qnashdi. Uchrashuvda janubiy amerikaliklar 1:0 hisobida g'alaba qozonishdi.

Uchrashuv taqdirini hal qilgan yagona golni ikkinchi daqiqada portugaliyaning «AVS» klubi yarim himoyachisi Oskar Perea urdi.

U20 Jahon chempionati – 2025. 3-o'rin uchun bahs
2025 yil 18 oktyabr, shanba.
Kolumbiya U20 – Frantsiya U20 – 1:0
Gol: 1:0 – Perea (2').

Manba: stadion.uz