Turkiya superligasi. «Galatasaroy» bir soat davomida o'n kishi bo'lib o'ynab, Gyundoganning goli evaziga «Beshiktosh» bilan durangga erishdi (videosharh)

 5 OKTYABR, 2025, 07:34

Turkiya Superligasining 8-turidan o'rin olgan o'yinda «Galatasaroy» o'z maydonida «Beshiktosh»ni qabul qildi. Bellashuv 1:1 hisobida yakunlandi.

Mehmonlar 12-daqiqada hujumchi Temmi Abrahamning goli orqali hisobni ochishdi. «Sherlar» esa 55-daqiqada yarimhimoyachi Ilkay Gyundoganning zarbasi bilan hisobni tenglashtirishdi.

Mezbonlar 34-daqiqadan boshlab himoyachi Davinson Sanches to'g'ridan-to'g'ri qizil kartochka olganidan keyin o'n kishi bo'lib o'ynashdi.

«Galatasaroy» shu natija orqali jami 22 ochko to'plab, turnir jadvalida peshqadamlikni saqlab qoldi. «Beshiktosh» esa 13 ochko bilan 5-o'rinni egallab turibdi.

Turkiya superligasi, 8-tur
Galatasaroy — Beshiktosh - 1:1
Gollar: 0:1 — Abraxam (12'), 1:1 — Gyundogan (55')

Manba: stadion.uz