EChL. 11 ta gol urilgan o'yinda “Bavariya” Zagrebning “Dinamo”sini yanchib tashladi

 18 SENTYABR, 2024, 02:36

"Bavariya" Chempionlar ligasi umumiy bosqichi 1-tur uchrashuvida Zagrebning "Dinamo" jamoasini mag'lub etdi - 9:2.

Myunxenliklar jamoasi hujumchisi Xarri Keyn ushbu uchrashuvda poker qayd etdi va gollarning uchtasini penaltidan kiritdi. Mezbonlarning boshqa gollariga Rafael Gerreyro, Leroy Sane, Leon Goretska va dubl qayd etgan Olise mualliflik qilishdi. Xorvatiya klubi safida Bruno Petkovich va Takuya Ogivara gol urishdi.

"Bavariya" turnir jadvalida birinchi o'rinni egallab turibdi.

2 oktabr kuni Chempionlar ligasining navbatdagi o'yinida “Bavariya” “Aston Villa”ga qarshi o'ynaydi.